Random thoughts!

Advertisements

Safar!

Banjari si raahon se ,
Ishq farmata gaya !
Dil toh nadaan tha ,
Manzil ki talaash mein ,
Isse hi manzil banata gaya!

Yeh jo raahon ki khamoshi hai ,
Isme kuch alag hi madhoshi hai ,
Shor toh sirf manzil ne hi loota hai ,
Zindagi toh har waqt,
Bas inn rahon mein hi basti hai!

Jo huva yeh dil aawara hai ,
Inn anjan rahon ka hi maara hai !
Iss shidat se doobta gaya in nazaron mein,
Ki ab manzil paana bhi na gawara hai !

Bhadte gaye hum manzil ki aur,
Inn rahon se khudko kuch aur dur sa le jate gaye !
Dil toh iss awargi mein tha ,
Par sab manzil ko khuda batlate gaye 🙂

Quest!

Har lamha vapis jo na aaya ,

Uski chah hum karte gaye!
Dil mein bechainiyan ,
Saanson mein aahein bharte gaye!

Bhoj unn yaadon ka kandho pe liye,
Zindagi mein unn dhundli baaton se ladte gaye!
Ghadi ki tuk tuk, aage bhadti gayi !
Aur hum atke se ,waqt ko rokte bhatakte gaye!

Kaun laut kar wapis aaya hai ,
Aakhir waqt ne sab dilo ko kahin na kahin rulaya hai!
Rote dil mein base armano ko,
Udana hum chahte gaye!
Par yaadon mein atki inn saanso ko ,
Ahmiyat dekar hum khudko hi bhulate gaye !
Waqt kahan kis k liye ruk paya hai !
Behta paani kahan kabhi kisi ke hath mein aaya hai !

Woh lamha jisse jeene ki khwaish liye hum zinda hai !
Wahi shayad iss dil ki khushi ki raah mein hume rokta parinda hai !
Na jaane kab himmat se yeh aage bhad payegi zindagi!
Unn lamho ko simet kar rakhne ki khwaish, ab kahan hamari hokar reh payegi !

Kahin kisi mod par agar yaadon se mulakat ho jaye ,
Dil ko sambhal kar rakhte chalna ,kya pata woh bas wahin sajde mein kho jaye 🙂

Kis mod chale jaa rahe hai!


Kya uss kahani ko lafz diye jaye,

Jahan lafzo mein inayat na ho,
jehen mein nasha na ho,
Rooh mein masomiyat ki adab na ho aur
Phir bhi bas khokli si haseen hum muskurate jaye!

Jahan sapno ka dum ghut jata hai,
Unn ucchi ucchi imarato ki,
Unn laal-laal diwaro pe,
Jhakmo se nikle khoon ka wajood aakhir kaun dhund pata hai!

Bhoj khwaisho ka lete chale jaa rahe hai,
Na jane kahan jana tha ,
Naa jane kis aur mudte jaa rahe hai,
Bas bhoj ke tale chalna hi manzil hai,
yeh dil mein baithaye,
Khud Manzil se bhatke ,
Na jane kis mod chale jaa rahe hai


Fall for a Lie :)

When you fall for a lie,
All that bliss ,goes away in a sigh!
The moments craved from inside,
Comes out as just a gray sky.

Waited for years,
Innocence found was never even near,
That wait ended in a drought,
All those drizzles were just a wish that died.

You will never know the pain of a lie,
Heart screams and soul tussles with itself,
When a simple mere dream,
Turns out to be a drowning fly.

I waited, i desired forever,
But a mere faking world,
Looted all that was life,
For that wish inside.


When you fall for a lie,
Existence will defy the essence ,
that makes up that innocent life.

Crave to revive all lost :)

Ajeeb ho gaye hai rishtey,
Dil dhadakta kisi ke khwabo mein hai,
Aur jism kisi aur ki baahon mein!

Ajeeb ho gaye hai rishtey ,
Baaton mein baatein na hote huve bhi
hathon mein hath chahtey hai,
Dil mein dil ki jubaan na ho,
Par uss ehsaas ke liye har waqt tadapate jate hai !

Ajeeb ho gayi hai ibadat,
Dil me khuda kisi aur ko maan kar,
Sajde mein sar kahin aur jhukte hai !
Kya dhoond rahe hai ,
aur na jane kya chahte hai ,
Bas bheed mein akele hote dil ko,
akele tadapane se bachate chale jate hai!

Ajeeb ho gaye hai rishtey ,
Raste jo kho chuke hai bas unhi pe manzil pana chahte hai,
Waqt beet gaya hai ,
Par iss sach ko manne se katrate jate hai !